و سینئر اداکارہ رابعہ نورین کا کہنا ہے کہ جس طرح فنکاروں کی ادائیگیوں کے پول کھلنے لگے ہیں، اسی طرح جلد ایوارڈز کے پول بھی کھلیں گے۔سماجی رابطے کی ویب سائٹ فیس بک پر مداحوں کے سوالوں کے جواب دیتے ہوئے انہوں نے کہا میری ایک درخواست ہے، براہ کرم مجھ سے یہ مت پوچھیں کہ کیا میں کسی خاص چینل کے آنے والے ایوارڈ شو میں اپنے خاص اچھے کردار یا ڈرامے کے لیے نامزد ہوں یا نہیں۔انہوں نے کہا کہ آپ مجھ سے یہ مت کہا کریں کہ باقی سب ایوارڈ شوز میں شرکت کر رہے ہیں اور اس کے لیے بیرون ملک جا رہے ہیں، آپ کیوں نہیں جا رہیں؟رابعہ نورین نے کہا کہ آپ خود سوچیں، یہ سب میں آپ کو کیسے بتا سکتی ہوں؟ تاہم، میں بس اتنا کہہ سکتی ہوں کہ یہ شوبزنس ہے، جو دیکھانے کے لیے کچھ اور، اور پسِ پردہ کچھ اور، میں زیادہ کچھ نہیں کہہ سکتی لیکن اتنا کہوں گی کہ جس طرح اداکاروں کی ادائیگیوں کے معاملات سامنے آ رہے ہیں اسی طرح یہ بھی آئیں گے، انتظار کریں۔

کریڈٹ: انڈیپنڈنٹ نیوز پاکستان-آئی این پی