اداکارہ ہانیہ عامر کی بھارتی فلم سردار جی 3 مشکلات کا شکار ہوگئی ہے۔حال ہی میں بھارتی پنجابی فلم سردار جی 3 میں کام کرنے کے حوالے سے خبروں کی زینت بنیں۔اس فلم میں دلجیت دوسانج اور نیرو باجوا مرکزی کرداروں میں شامل ہیں، جب کہ فلم کی شوٹنگ چند ماہ قبل برطانیہ میں مکمل کی گئی۔ہانیہ عامر اور ان کے مداح فلم کی ریلیز کے لیے خاصے پرجوش تھے، لیکن پچھلے دنوں پیش آنے والے پہلگام واقعے کے بعد فلم کی ریلیز مشکلات کا شکار ہوگئی ہے۔بھارتی سوشل میڈیا پر فلم کے حوالے سے منفی جذبات سامنے آنے کے بعد یہ قیاس آرائیاں کی جا رہی ہیں کہ فلم پر پابندی لگ سکتی ہے۔پاکستانی سوشل میڈیا صارفین کی ایک بڑی تعداد اس مبینہ پابندی پر خوشی کا اظہار کر رہی ہے۔ ان کا کہنا ہے کہ پاکستانی فنکار بھارتی مواقع حاصل کرنے کے لیے اپنی عزت نفس داو پر لگا دیتے ہیں، اور ہانیہ عامر نے بھی کچھ ایسا ہی کیا۔کچھ صارفین نے مزید سخت رویہ اختیار کرتے ہوئے کہا: ہانیہ نے پوری قوم کو شرمندہ کیا، اور اب اسی قوم نے ان سے منہ موڑ لیا ہے۔اگرچہ ہانیہ عامر نے پہلگام واقعے پر واضح مذمت بھی کی، لیکن اس کے باوجود بھارتی عوام اور انڈسٹری کا رویہ بدلتا ہوا دکھائی دے رہا ہے۔

کریڈٹ: انڈیپنڈنٹ نیوز پاکستان-آئی این پی