معروف اداکارہ مومنہ اقبال کی جنس سے متعلق قیاس آرائیوں کے زور پکڑنے کے بعد اداکارہ کا ردعمل سامنے آگیا۔ گزشتہ چند ماہ سے سوشل میڈیا پر یہ دعوی کیا گیا کہ مومنہ اقبال ایک خواجہ سرا ہیں اور وہ اس بات کو دنیا سے چھپاتی ہیں۔ حال ہی میں سوشل میڈیا پر وائرل کلپ میں مومنہ اقبال کو اپنے جنس سے متعلق وائرل خبر پر بات کرتے سنا گیا جس میں انکا کہنا تھا کہ، اگر میں ٹرانس جینڈرہوتی تو اس بات کو گریس فلی قبول کرتی۔مومنہ کا کہنا تھا کہ جو یہ سب سوالات کررہے ہیں مجھے ان پر حیرانی ہوتی ہے۔ مومنہ اقبال نے یہ بھی واضح کردیا کہ مجھے معلوم ہے کہ کون میرے خلاف اس طرح کی باتیں پھیلا رہا ہے، اگر میں چاہوں تو اسکے خلاف قانونی کارروائی بھی کرسکتی ہوں۔

کریڈٹ: انڈیپنڈنٹ نیوز پاکستان-آئی این پی