ڈیجیٹل کریئیٹر اذلان شاہ کی دوسری شادی کا دعوی پبلسٹی اسٹنٹ نکلا، سوشل میڈیا صارفین نے آڑے ہاتھوں لے لیا۔حال ہی میں اذلان شاہ نے انسٹاگرام پر اعلان کیا تھا کہ میں دوبارہ شادی کر رہا ہوں اور میری اہلیہ نے اس کی اجازت دے دی ہے، اس معاملے میں میرے خاندان کو نہ گھسیٹا جائے اور میرے لیے دعا کی جائے، اذلان کے اس اعلان نے سوشل میڈیا پر ہلچل مچا دی اور صارفین نے شدید غصے کا اظہار کیا۔ شدید تنقید کے بعد اذلان شاہ نے ایک وضاحتی ویڈیو جاری کی جس میں کہا کہ میری پوسٹ کا مقصد لوگوں کو یہ بتانا تھا کہ میں دوبارہ شادی کر رہا ہوں، تاہم یہ دوسری شادی نہیں بلکہ میں اپنی اہلیہ وریشہ سے ہی دوبارہ نکاح کر رہا ہوں۔وریشہ نے بھی تصدیق کی کہ ہماری شادی کی تیسری سالگرہ قریب ہونے کے باعث ہم دوبارہ شادی کر رہے ہیں، اذلان کا اعلان کرنے کا انداز غلط تھا، جس پر ہم معذرت خواہ ہیں اور یہ تاثر دینا درست نہیں کہ وہ کسی اور سے شادی کر رہے ہیں۔

کریڈٹ: انڈیپنڈنٹ نیوز پاکستان-آئی این پی