معروف اداکار و میزبان فیصل قریشی کا کہنا ہے کہ بھارتی کھلاڑیوں اور فنکاروں کی غلطی نہیں ہے ان کے اوپر سیاسی دبائو بہت ہے۔ ایک انٹرویو میں حالیہ پاک بھارت کشیدگی کے بعد فنکاروں پر عائد پابندی اور ایشیا کپ میں ہونے والے ہاتھ نہ ملانے کے تنازع پر ردعمل دیتے ہوئے فیصل قریشی نے بھارتی فنکاروں اور کھلاڑیوں کی حمایت کر دی اور کہا کہ وہ سیاسی دبائو میں ہیں۔انہوں نے کہا کہ بھارت کی سیاست ہی ایسی ہے، پہلے ڈرامے بند کر دیئے، پھر ایشیا کپ سے قبل ایک ایونٹ میں بھارتی کپتان اور محسن نقوی کے ہاتھ ملانے پر شدید تنقید کی اور پورا شو اسی پر کیا، جس کی وجہ سے ان کے کھلاڑیوں پر شدید دبائو ہے ۔انہوں نے کہا کہ ہم سمجھتے ہیں کہ ان کے کھلاڑیوں کو واپس اسی ملک میں جانا ہے ، وہاں رہنا ہے، لیکن محسن نقوی سے جیتی ہوئی ٹرافی نہ لینے پر دبئی میں موجود بھارتی فینز بھی مایوس ہوئے ہیں۔

کریڈٹ: انڈیپنڈنٹ نیوز پاکستان-آئی این پی