چائلڈ اسٹار عمر شاہ کی موت پر ان کا ننھا دوست محمد شیراز بھی جذباتی ہوگیا۔محمد شیراز نے اپنے انسٹاگرام اکائونٹ پر ایک ویڈیو شیئر کی جس میں وہ اپنی بہن مسکان کے ساتھ موجود ہے۔ویڈیو میں شیراز نے عمر کے انتقال پر دکھ کا اظہار کیا اور کہا کہ مجھے بہت دکھ کے ساتھ کہنا پڑ رہا ہے کہ ہمارے بہت پیارے دوست عمر شاہ اللہ کو پیارے ہوگئے، میں جب اسکول سے واپس گھر آیا تو عمر کے انتقال کی خبر سن کر دکھ ہوا۔محمد شیراز نے مزید کہا کہ مجھے ابھی تک یہ یقین نہیں ہو رہا عمر ہمارے ساتھ نہیں ہے۔ویڈیو کے آخر میں محمد شیراز نے عمر کی مغفرت کی دعا بھی کی اور عمر سے آخری ملاقات کی ویڈیو کو بھی شیئر کیا۔

کریڈٹ: انڈیپنڈنٹ نیوز پاکستان-آئی این پی