اداکارہ حرا سومرو نے اداکار اور میزبان فہد مصطفی کی دوسری شادی کی افواہوں پر معنی خیز ردعمل کا اظہار کیا ہے۔اداکارہ حرا سومرو نے حال ہی میں ایک پوڈکاسٹ میں کہا کہ انہوں نے کبھی فہد مصطفی کے بارے میں کسی منفی بات یا غیر مناسب رویے کی بات نہیں سنی وہ خواتین ساتھی فنکاروں کے ساتھ ہمیشہ احترام کے ساتھ پیش آتے ہیں۔تاہم فہد کی دوسری شادی کے سوال پر حرا سومرو نے معنی خیز مسکراہٹ کے ساتھ یہ بھی کہا کہ وہ نہیں جانتیں کہ فہد مصطفی نے واقعی دوسری شادی کی ہے یا نہیں۔حرا کے مطابق اگر ایسا ہوا بھی ہے تو فہد کی پہلی اہلیہ ایک مضبوط خاتون ہیں اور ممکن ہے وہ اس صورتِ حال کو سمجھداری سے سنبھال لیں گی۔ اداکارہ کا کہنا تھا کہ اگر کوئی مرد کسی دوسری عورت میں دلچسپی رکھتا ہے تو اسے گرل فرینڈ بنا کر رکھنے سے بہتر ہے کہ اس سے شادی کرلے۔ اداکارہ نے نواجونوں کو مشورہ دیا کہ اگر آپ کسی کو پسند کرتے ہیں تو اس سے شادی کرلیں جبکہ لڑکیاں ایسے لڑکوں سے سیدھا شادی کا مطالبہ کریں جو یہ کہتے ہیں کہ وہ انہیں پسند کرتے ہیں۔

کریڈٹ: انڈیپنڈنٹ نیوز پاکستان-آئی این پی