سوشل میڈیا پر جوئے کی ترغیب دینے اور فحش مواد اپ لوڈ کرنے کے الزام میں گرفتار یوٹیوبر سعد الرحمن المعروف ڈکی بھائی کے جسمانی ریمانڈ میں چار دن کی توسیع کردی گئی۔ تفصیلات کے مطابق لاہورکی مقامی عدالت نے گزشتہ روز ڈکی بھائی کا سوشل میڈیا پر جوا ایپلیکیشنز کے مبینہ فروغ کے مقدمے میں چار دن کے جسمانی ریمانڈ میں توسیع کی۔ملزم کو دو روزہ جسمانی ریمانڈ کی تکمیل کے بعد عدالت میں پیش کیا گیا تھا، تفتیشی افسر شعیب ریاض نے عدالت سے ملزم کے 28 دن کے ریمانڈ کی درخواست کی تھی۔تفتیش افسرنے عدالت کو بتایا کہ ملزم مبینہ طور پر ایک بین الاقوامی جوا گروہ کے رکن ہیں اور ان کا ریمانڈ بڑھایا جانا چاہیے۔عدالت نے دونوں فریقین کے دلائل سننے کے بعد ملزم کے جسمانی ریمانڈ کو 23 اگست منظور کرلیا، انہیں ریمانڈ مکمل ہونے پر دوبارہ عدالت میں پیش کیا جائے گا۔تک بڑھانے کا فیصلہ کیا۔ڈکی بھائی کو 17 اگست کو نیشنل سائبر کرائم انویسٹی گیشن ایجنسی نے لاہور کے علامہ اقبال انٹرنیشنل ایئرپورٹ سے گرفتار کیا تھا۔

کریڈٹ: انڈیپنڈنٹ نیوز پاکستان-آئی این پی