معروف ٹک ٹاکر، ماڈل و اداکارہ جنت مرزا نے بولی وڈ اداکار کارتک آریان کے ساتھ فلم کی پیشکش سے متعلق اپنے حالیہ بیان پر ہونے والی تنقید کا جواب دیتے ہوئے کہا ہے کہ بعض لوگ دوسروں کی خوشی اور کامیابی کو دکھاوا سمجھتے ہیں۔گزشتہ دنوں جنت مرزا کا ایک کلپ سوشل میڈیا پر وائرل ہوا، جس میں انہوں نے دعوی کیا تھا کہ انہیں کارتک آریان کے ساتھ فلم میں مرکزی کردار کی پیشکش ہوئی تھی، لیکن انہوں نے اس میں کام کرنے سے انکار کر دیا۔اداکارہ کے اس دعوے پر سوشل میڈیا صارفین کی جانب سے شدید تنقید کی گئی، ایک صارف نے طنزیہ انداز میں لکھا کہ شاہ رخ خان نے بھی انہیں فلم میں کاسٹ کرنے کی پیشکش کی تھی لیکن انہوں نے مصروفیت کی وجہ سے انکار کر دیا۔حال ہی میں جنت مرزا نے انسٹاگرام پر ایک مبہم پیغام شیئر کیا، جس میں انہوں نے لکھا کہ بعض اوقات لوگ دکھاوا نہیں کر رہے ہوتے بلکہ وہ اپنی خوشیوں اور کامیابیوں کے لمحات شیئر کر رہے ہوتے ہیں، جب تک کہ آپ ان باتوں کو حسد کی نظر سے نہ دیکھ رہے ہوں۔

کریڈٹ: انڈیپنڈنٹ نیوز پاکستان-آئی این پی