معروف اداکارہ، میزبان اور سابق ماڈل عنبر خان نے اپنی زندگی کے سب سے مشکل اور حساس معاملے پر اپنی خاموشی توڑ ڈالی۔ ایک ٹی وی پروگرام کے دوران گفتگو کرتے ہوئے عنبر خان نے کہا جب میری شادی ہوئی تو میں بہت کم عمر تھی، اگر اچھا شوہر مل جائے تو وہ قسمت کی بات ہے، میرے سسرال والے تو ٹھیک تھے، مگر شوہر کے ساتھ زندگی اذیت ناک تھی، میں ہر بات مانتی تھی، اپنی خودداری کو نظرانداز کر دیتی تھی اور کبھی آواز نہیں اٹھائی، میرے والدین تک حیران ہوتے تھے کہ میں ایسی کیوں بن گئی ہوں۔ میری ماں نے مجھے ہمت دی، مگر شوہر کے سامنے کبھی بول نہ سکی، وہ ایک بگاڑا ہوا انسان تھا، جو صرف اپنی ہی مانتا تھا۔عنبر خان نے بتایا کہ میں نے ذہنی و جسمانی تشدد بھی برداشت کیا لیکن اب برداشت ختم ہو چکی ہے، میرے والد ہمیشہ پریشان رہتے تھے، میں بہت کچھ سہہ چکی ہوں، لیکن ہر چیز کی ایک حد ہوتی ہے، اب زندگی میں اس مقام پر ہوں کہ کسی کا مزید ظلم برداشت نہیں کرونگی۔

کریڈٹ: انڈیپنڈنٹ نیوز پاکستان-آئی این پی