معروف پنجابی لوک گلوکار عارف لوہار نے کہا ہے کہ وہ اپنے بچوں کے لیے ماں کبھی نہیں بن سکتے لیکن اہلیہ کی وفات کے بعد ان کی کوشش رہتی ہے کہ ان کے بچوں کو والدہ کی کمی نہ ہو۔ ایک ٹی وی پروگرام میں بات کرتے ہوئے انہوں نے کہا کہ کسی بھی انسان کے لیے ماں کا چلا جانا سب سے غمگین وقت ہوتا ہے۔ان کا کہنا تھا کہ جب تک ان کے بچوں کی والدہ زندہ تھیں، تب تک وہ بارعب اور سخت والد تھے لیکن بچوں کی ماں چلے جانے کے بعد وہ یکسر بدل گئے۔ان کا کہنا تھا کہ وہ کچھ بھی کرلیں، وہ اپنے بچوں کی ماں کبھی نہیں بن سکتے لیکن اہلیہ کے انتقال کے بعد وہ تبدیل ہوگئے، اب وہ سخت مزاج والد نہیں رہے، ان کی کوشش ہوتی ہے کہ وہ بچوں کو والدہ کی کمی نہ ہونے دیں۔

کریڈٹ: انڈیپنڈنٹ نیوز پاکستان-آئی این پی