اداکار و گلوکار فرحان سعید نے انکشاف کیا ہے کہ ان کے ماضی کے مقبول ڈرامے سنو چندا کے تیسرے سیزن کا اسکرپٹ لکھا جا رہا ہے، جس کے بعد شائقین کو امید ہے کہ جلد ہی انہیں پسندیدہ ڈرامے کا نیا سیزن دیکھنے کو ملے گا۔فرحان سعید نے اسٹریمنگ ویب سائٹ سے بات کرتے ہوئے کہا کہ ڈرامے کے تیسرے سیزن سے متعلق بہت ساری باتیں درست نہیں، زیادہ تر افواہیں پھیلائی جا رہی ہیں۔فرحان سعید کا کہنا تھا کہ انہوں نے ڈرامے کا اسکرپٹ نہیں پڑھا لیکن انہیں معلوم ہے کہ تیسرے سیزن کا اسکرپٹ لکھا جا رہا ہے۔فرحان سعید نے اس تاثر کو بھی مسترد کیا کہ انہیں سنو چندا کے تیسرے سیزن سے متعلق تمام معلومات ہے اور وہ اس کا حصہ ہوں گے۔ڈراما شائقین کو امید ہے کہ آئندہ رمضان المبارک تک سنو چندا کا تیسرا سیزن تیار کرلیا جائے گا اور وہ ایک بار پھر فرحان سعید اور اقرا عزیز کو ایک ساتھ دیکھ سکیں گے۔

کریڈٹ: انڈیپنڈنٹ نیوز پاکستان-آئی این پی