معروف پاکستانی گلوکار و اداکار فرحان سعید بھارتی میڈیا کی جانب سے مسلسل پاکستان کے خلاف ہرزہ سرائی اور جارحیت کو ہوا دینے پر برس پڑے۔ واقعے کے بعد فرحان سعید نے اپنی انسٹاگرام اسٹوری میں لکھا تھا کہ پہلگام حملے کے متاثرین اور ان کے خاندانوں کے لیے دل کی گہرائیوں سے تعزیت۔ایسے میں پاکستانی اداکار فرحان سعید جو حملے کی مذمت کرنے میں پیش پیش تھے، وہ بھی بھارتی میڈیا کے اس انداز پر برہمی کا اظہار کرتے نظر آئے۔اداکار نے اپنے انسٹاگرام اکاةونٹ پر ایک اسٹوری شیئر کر کے بھارتی میڈیا کے جارحیت بھرے کردار کو بے نقاب کیا۔انہوں نے لکھا کہ پہلگام میں جو کچھ ہوا وہ جتنا افسوسناک ہے، اتنا عجیب بھارتی میڈیا کو دیکھنا ہے۔بھارتی میڈیا کو انتہائی غیر ذمہ دار اور جارحیت پسند قرار دیتے ہوئے اداکار نے مزید کہا کہ 'یہ پہلی دفعہ نہیں ہوا اور مجھے یقین ہے کہ یہ آخری بار بھی نہیں ہے، یہ مزید بدتر ہوتا جائے گا۔ انہوں نے بھارتی میڈیا کو ذمہ دارانہ انداز اپنانے کا مشورہ بھی دیا۔

کریڈٹ: انڈیپنڈنٹ نیوز پاکستان-آئی این پی