پاکستانی ماڈل عبیر اسد اور سبن عمیس نے راہیں جدا کرنے کا فیصلہ کرلیا۔ماڈل عبیر اسد اور سبن عمیس کا شمار پاکستان کے کامیاب ماڈلز میں ہوتا ہے جنہیں 'بیسٹ ماڈلز' کا ایوارڈ بھی مل چکا ہے۔جوڑے نے رواں سال فروری کے مہینے میں ہی شادی کی تھی تاہم ان کی ازدواجی زندگی سے متعلق بری خبر سامنے آئی ہے۔سبن عمیس نے اپنے انسٹاگرام اکائونٹ پر ایک اسٹوری شیئر کی اور اپنی راہیں جدا کرنے کے فیصلے سے آگاہ کیا۔سبن نے لکھا کہ میں نے اور عبیر نے راہیں جدا کرنے کا فیصلہ کیا ہے، عبیر کے ساتھ نیک تمنائوں کے علاوہ کچھ نہیں کہہ سکتا۔ماڈل نے مزید لکھا کہ طلاق کا عمل ابھی باقی ہے لیکن فیصلہ کیا جاچکا ہے۔سوشل میڈیا صارفین کی جانب سے سبن عمیس کی اس اسٹوری پر تبصروں کا سلسلہ جاری ہے جب کہ عبیر اسد کی جانب سے اس حوالے سے خاموشی اختیار کی گئی ہے۔

کریڈٹ: انڈیپنڈنٹ نیوز پاکستان-آئی این پی