معروف اداکارہ ماورا حسین نے شادی کی خواہش مند لڑکیوں کو عروسی جوڑے سے متعلق مشوہ دیا ہے۔ماورا حسین نے ایک برانڈ کی افتتاحی تقریب میں شرکت کی جہاں انہوں نے شادی کی خواہش مند لڑکیوں کو مشورہ دیتے ہوئے کہا کہ وہ اپنی شادی کے موقع پر کسی قسم کا تنا نہ لیں، وہ لباس پہنیں جو ان کی استطاعت کے مطابق ہو۔انہوں نے کہا کہ دلہنیں دوسروں لوگوں کی جانب نہ دیکھیں کہ کس نے کتنا مہنگا جوڑا پہنا تھا، آپ دلہن ہیں کچھ بھی پہنیں گی اچھا لگے گا۔اداکارہ نے اپنے سسرال کے بارے میں بات کرتے ہوئے کہا کہ پہلے وہ خاندانی ورثے کی قدر نہیں جانتی تھیں، اپنی شادی پر ساس کا جوڑا اور دادی ساس کے زیورات پہن کر خوشی ہوئی۔اس کے ساتھ ساتھ اداکارہ نے خواہش بھی ظاہر کی وہ اب ان چیزوں کو اپنی ہونے والی بیٹی یا بہو کو دیں گی۔

کریڈٹ: انڈیپنڈنٹ نیوز پاکستان-آئی این پی