پاکستان مکسڈ مارشل آرٹس فیڈریشن نے بھارت کو شکست دینے پر پاک فوج کے ساتھ اظہارِ یکجہتی کرتے ہوئے بڑے ایونٹ کے انعقاد کا اعلان کیا ہے ۔فتح کا جشن منانے کے لئے ایونٹ کا نام معرکہ حق پاکستان کومبیٹ نائٹ رکھا گیا ہے،ایونٹ میں اوپن ایم ایم ایچیمپئن شپ اور روڈ ٹو بریو 100 کے کوالیفائنگ رائونڈکے مقابلے شامل ہوں گے،مختلف ویٹ کیٹگریز کی چھ ٹیموں میں ان ایکشن ہوں گی،ایونٹ کے فاتح فائٹرزکوورلڈ ایم ایم اے چیمپئن شپ،جارجیامیں پاکستان کی نمائندگی کا موقع ملے گا۔روڈ ٹو بریو 100 کیمیچز رواں سال بحرین میں کھیلے جائیں گے،تاہم اس کے کوالیفائنگ رائونڈ میچز پاکستان میں 24 اگست کولاہور کے ڈی ایچ اے اسٹیڈیم فیز 6 میں منعقدہوں گے،ان کوالیفائنگ رائونڈزمیں پاکستانی فائٹرزازبکستان،آذربائیجان، ایران،مصر اور مراکش کے فائٹرز کے خلاف ان ایکشن ہوں گے۔فیڈریشن کے صدرعمراحمد کاکہنا ہے کہ پنجاب حکومت نے ایونٹ کے انعقاد میں بھرپور مدد فراہم کی ہے، جووزیرِاعلی پنجاب مریم نواز کے اس وژن کا حصہ ہیکہ پاکستان میں انٹرنیشنل معیار کے کھیلوں کو فروغ دیاجائے،گزشتہ سال بھارتی فائٹرز کو شکست دینے والے پاکستانی فائٹر زایک بارپھر ایکشن میں ہوں گے، جن میں گولڈ میڈلسٹ بانو بٹ اور ایمان خان بھی شامل ہیں۔

کریڈٹ: انڈیپنڈنٹ نیوز پاکستان-آئی این پی