پاکستان کرکٹ بورڈ نے پاکستان سپر لیگ کے اثاثوں کی ویلیو ایشن شروع کردی جس کا مقصد فرنچائزز اور کمرشل رائٹس کی مالیت طے کرناہے۔تفصیلات کے مطابق ویلیو ایشن عمل پانچ ہفتوں میں مکمل ہوگا جس کے ذریعے پی ایس ایل کی نئی ٹیموں کی قدر کا تعین بھی کیا جائے گا۔ویلیوایشن کا کنٹریکٹ ای وائے مینا کو دیا گیا ہے۔ پی ایس ایل کے چیف ایگزیکٹو سلمان نصیر کا کہنا ہے کہ پی ایس ایل دنیا کی نمایاں لیگوں میں جگہ بنا چکا ہے، یہ عمل شفافیت سے میرٹ پر فیصلوں کی ضمانت ہے، یہ عمل سپر لیگ کی ترقی اور استحکام کا باعث بنے گا، ویلیو ایشن سے سٹریٹجک فیصلوں میں مدد ملے گی۔

کریڈٹ: انڈیپنڈنٹ نیوز پاکستان-آئی این پی