ننکانہ صاحب میں تھانہ صدر شاہکوٹ کے علاقہ میں دو گروپوں کے درمیان فائرنگ کے نتیجے میں ایک نوجوان جاںبحق اور دوسرا زخمی ہوگیا۔ترجمان پولیس کے مطابق مخالفین کی فائرنگ سے عمران نامی شخص موقع پر جاں بحق جبکہ طیب منظور زخمی ہوگیا، فائرنگ کرنے والے ملزم موقع سے فرار ہونے میں کامیاب ہوگئے۔ترجمان پولیس نے بتایا کہ ہلاک ہونے والے شخص کی لاش اور زخمی کو فوری طور پر ہسپتال منتقل کر دیا گیا، زخمی کی حالت بھی تشویشناک بتائی گئی ہے۔ڈی پی او ننکانہ ارسلان زاہد نے واقعہ کا نوٹس لے لیا اور ملزموں کو فوری گرفتار کرنے کا حکم دے دیا، ملزموں کی گرفتاری کے لئے ٹیمیں تشکیل دیدی گئی ہیں، جنہیں جلد حراست میں لے لیا جائے گا۔

کریڈٹ: انڈیپنڈنٹ نیوز پاکستان-آئی این پی