پاکستان پیپلز پارٹی کے رہنما قادر خان مندوخیل نے کہا ہے کہ مریم نواز کو اتحادی کی حیثیت سے مشورہ دیں تو وہ انگلی توڑنے پر آ جاتی ہیں، یہ کہتے ہیں خبردار کسی نے پنجاب کی طرف دیکھا۔ اپنے ایک بیان میں رہنما پیپلز پارٹی کا کہنا تھا کہ جب وہ اپنی اتحادی کو خبردار کر رہی ہیں تو پھر آئی جی کیا مجال کہ کچھ کہہ سکے۔قادر خان مندوخیل نے کہا کہ مریم نواز نے اعلان کیا تھا کہ پنجاب میں ہم موٹرویز بنائیں گے، کراچی ملک کو 70 فیصد ریونیو دیتا ہے، این ایف سی ایوارڈ کے ذریعے 34 فیصد پنجاب کو مل رہا ہے۔

کریڈٹ: انڈیپنڈنٹ نیوز پاکستان-آئی این پی